تعـــــاطفاً مع راوند الأطفــــــــــــــال :D

|| الترجمة || إنه في يوم الـ سادس عشر من شهر ايلول لعام 2014 .. قامت الأقسام بغارة جوية نووية من النوع المحرم دولياً على طلاب الفرقة الخامسة حيث قام الدكتور " ح " بالتعاون مع الدكتور "م" بوضع MCQ مش موجود في الوجود لــراوند الأطفال :( وفي هذه الاثناء توغلت قوات الباطنة في الحط على طلاب الباطنة العامة والاسبشيالات :D 

-----------------------------------------------------------------------------------------

خطاب تخيلي ... يشارك فيه أنور السادات ... والدكتور "م" والدكتور "ح" + "إس.ع" كبير المطرح اللي بنتعلم فيه :D

-----------------------------------------------------------------------------------------

أنور السادات : " إننى على استعداد أن أذهب إلى آخر الأرض إذا كان ذلك سيمنع نزييف الدرجات من أبنائي بل وسوف تندهش الكلية حين تسمعنى أقول إننى مستعد أن أذهب إلى الكنيست ذاته "

Just Now near Alhussin University Hospital

Gehan El-Sadat,Evrayem Katsseyar,Eshaq Rabeen,Ibraheem Abdelbary and 96000 Others like this


كومنت 1 "إس.ع ": مش ممكن السادات يقول كده أكيد الأكونت ده مسروق ياجماعه

 كومنت 2 "م" : بعت نفسك لأمريكا بكام ياسادات...

كومنت 3 "ح": الأكونت فعلا شكله مسروق ده إحنا لسه فاشخين بتوع الأطفال ياجدعان


كومنت 4 : ياعم انت بتصدق الكلام ده هما 15 درجة مفيش غيرهم اللى فــ*خنهم فيها  ...


كومنت 5 : شكلها حركه والله ياجدعان من بتوع السادات .... لسه مبعوتلى فيروس من عنده امبارح ...


كومنت 8 : للاسف صوره البطل "ح" صائد الطلبة معجبتش حد وصوره سعاد حسنى خدت مليون لايك..

كومنت 9 " و.ي" : عاجل وقبل الحذف شاهد المقاطع المحذوفة من فيلم تشريح سنه أولى على هذا الرابط ..

-----------------------------------------------------------------------------------------

#ملحوظة

- هذالبوست ... هزلي .. غير حقيقي .. غير موضوعي .. وغير محايد ....
و الشخصيات الوارده به خياليه لا تمت للواقع بصله وأى تشابه بينها وبين الواقع فهو اغرب من الخيال ...
- مقتبس من مقال لهاني مهنى :)

جدول امتحاناتنا || الترجمة ||

جدول امتحاناتنا .... تدور القصه .. حول قصة وضع جدول امتحانات الفرقة الخامسة عام 2014 - بكلية الطب - جامعة الأزهر - القاهرة ... وبعض الأحداث اليوميه التي تحدث في ذلك اليوم .
ا.ع : اللي هوا انا شاب يافع في الـ 22 من عمره 
ا.ز : مسئول الجداول 
ا.ن : وكيل الكليه
م.ا : محمد الهندي صديق :D ورئيس اتحاد الطلاب المنحل اللي امديني بخبرات كتيره وكان معايا في اليوم التاني :D 

جدول امتحاناتنا ... بارت تو

ارتفعت تلك الصيحة القوية المعروفة بين لاعبي الكاراتيه , وأعقبها قفزه رائعة من شاب طويل القامة , أوروبي الملامح :D .. متوجه كالقذيفة نحو هدفه الذي حدده بشده .. و بكل دقه ..  تفوق كل ما يمكن ان تراه من مخرجي هوليود و بوليود .. ليكون تماماً امام الحلة الموضوعه ع السخان الكهربائي ذو الـ 25 فولت ونص ليرفع غطاء الحله التي تصل درجة حرارتها الى  289 درجة  فوق الصفر  بمقياس فهرنهيت ... B|  B| 

هااااااااااار أسود الفرخة اتحرقت ياجدعان ... قالها  ا.ع  في لهفة .. اعقبها سكون لحظي  ثم ارتسمت على وجهه ابتسامه ودوده وهو يقول " ولا اسيبهالهم مفاجأه أحسن " 3:)

=======================================
-----  ا.ع امام محطة اتوبيس اجمل مكان في العالم...  -----
=======================================

الجو حر ... والعربيه - تحس انك بتحمل فيلم من على نت فلاشه مخلصه الباقه -   مش بتحمل عربية :(

ا.ع : ما تيلا يا اسطا كدا الوكيل هيرفعنا وهيشيلنا 3:)

الراجل السبعيناتى الى قاعد جنبى " وعلى ايييه يا ايبنى ماحناش مستعجلين هاتلحق الحصة  ما تقلقش ! " :D

ا.ع : حصة مين ياحاج انتا فاطر عند مرزوق ولا ايه ؟؟ -_-

تفرس فى ملامحي فى خبث أشبه بالسذاجه وبعدين مصمص شفايفه " امممم .. أنتا بقى تعليم اساسى " ؟ :D

ا.ع :  أه يا حاج أنا خلصت الابتدائيه من زمان !   وشغال سباك دلوقتي O:)

( لما تزنق الأيام ... لما تقدم الامتحان .. لما تنفخ الغلبان .. تبقا ثورة دي ولا انقلاب .. انقلاب انقلاب انقلاب ) "رنة موبايل ا.ع " 

ا.ع : ايوه يا ياعم هندي انتا فين انا بتنفـخ هنا في أفكاري >_<

م.ا : أنا بس في أحد مباني القوات المسلحه في مصلحه وجاي 28 دقيقه وهكون عندك 
ا.ع : بسرعه يارب ابوك يطلع يـ حج علشان شويه وهتشل شلل سوباعي -_-
=======================================
------- بعد مرور 28 دقيقه .. في أحد طوابق المحروسة  -------
=======================================
شاب هندي الملامح .. في العقد الثاني من العمر .. عريض المنكبين .. رشيق البنيان ( و حط تحت رشيق دي ألف خط ) معروف اعلاميا بصاحب المقولة الشهيرة " هـــأو " :D في يده اليمنى زجاجه من النبيذ الأحمر O:) يخطوا خطوات واسعه في أحد الممرات بالجهاز القومي للتصفية النفسية للطلاب …  ليجد بعدها ا .ع في انتظاره ...  لحظات  وتم تسليم البضاعه " تصميم كان عايزه " في سلام وأخدت شفطتين نبيذ هدية :D واداني دفعه معنويه ولوجستيه ونصائح ديناميكية في عملية اتمام الجدول المعروفه موخابراتيا بالعملية 55 نفخ :-D 
=======================================

----- وكر الأعداء  -----

=======================================
فى معظم حواراتى مع " ا.ز" والدكتور " ا.ن " أتأكدت يقينا ان فكره القودماء المسريين فى صناعه تمثال #الكاتب_الجالس_القرفصاء .. لم تأت عبثا وانما لحكمه عميقه غوييطه فحت :-D  

ا.ع : يا اوساز " ا.ز " احنا دلوقتي عايزين نزود 5 أيام ع الجدول :D

ا.ز : لاااااا مينفعش خلاااااص يا دوقطر (he means doctor  :D ) 

ا.ع : يا أوساز "  أ.ز " ما تحسسنيش إني بتكلم في الفكر الاشتراكي بين حتمية الوجودية وإشكالية الحداثة :D

وهنا تدخل " ا.ن " دا تسيب واستهتار يعني ايه 13 يوم عايزينهم كفايه يومين ونبقا خدمنكم جداً 3:)

ا.ع : بس انتا مش شايف يا معلم ان يومين دول كوتار أوي :D

وهنا أدرك أ.ع أنه ليس هوناك الا حل واحد .... 

حيث قفز ا.ع ببرعه يحسده عليها أبطال الأولمبيكيات و أطلق مسدسه ليطيح بكل من " ا.ز " و " ا.ن "  و قبل أن يتصور ماحدث جذبت قبضة ا.ع السكرتير وكالت له لكمه أخرجته من المعركة وألقت به في ظلام دامس B|  B| 

لم يستغرق الأمر أكثر من دقيقه وكان ا.ع قد ختم الجدول ورفعه ع جروب الدفعه بعد انتهاءه  من تفجير الكليه باللي فيها :D  
=======================================

#تمت

#جدول_امتحاناتنا_الجزء_التاني

#ملحوظة
هذالبوست ... هزلي .. غير حقيقي .. غير موضوعي .. وغير محايد ....
و الشخصيات الوارده به خياليه لا تمت للواقع بصله وأى تشابه بينها وبين الواقع فهو اغرب من الخيال ...

جدول إمتحاناتنا

إستيقظ ( إ .ع ) من نومه مستشعرا لمسات حانيه على وجنتيه ليكتشف لاحقا انها قرون استشعار أحد الفئران التى تعج بها الشقة ذات المطارح الثلاثه في أحد أجمل أماكن العالم والتي يقيم فيها مع عشرة أفراد آخرين قابلين للزيادة 3:)  ..  تسمر لجزء من الثانيه ثم استجمع قوته ليوجه له خلفيه ساحقه بايد المكنسة يتحول بعدها الفقيد الى كومه من اللحم المفروم متمثلا كـ لوحه فنيه بارعه الجمال على حائط السكن .. O:) 

تناول افطارا سريعاً مكوناً من بقصمات من الخباز العربي وعسل قارب ع إتمام سنة داخل التلاجة المليئة بالدجاج الذي يتم تقسيم الواحده منه ع 12 فرداً :'(  :'( في وجبة الغذاء بفضل مجهودات ( م . ع ) العظيمة في تقسيم الورك على سبعة أفراد :D ...

ثم توجه الى مقر الجهاز المركزى للترخيم على خلق الله >:o  (شئون الطلبة والادارة سابقاً ) محاولا الحصول على تأشيره ( 55 تـ عـ قـ يـ د ) :D والتى تتيح له الدخول إلى الاستاذ ( أ . ز ) والدكتور ( إ . ن ) من أجل وضع جدول امتحانات  للسنة الخامسة يناسب جميع الفئات العمرية من دحيح لـ مضيع ... B|  B| 

حاول زملاؤه اقناعه باستحاله الحصول على تلك التأشيره ولكن دون ان يؤثر ذلك على ارادته .. -_-  -_- 

نظر سريعاً الى المبنى الشاهق ذو الاربع أدوار ثم خطا بقدميه مستعيرا كلمه يوسف زيدان الشهيره "يافتاح" :D

استقل السلم  للدور الثاني حيث يقبع مكتب رئيس الجهاز الاسطورى  ، لابد من ان هذا المبنى يحتوى على العديد من المخلوقات الملائكية المتخصيصين  بالدرجة الاستشارية فى تحويل حياه الطلبة الى جحيم ... >:( 

طرق الباب بهدوء ليجد موظفا فى العقد الثالث من العمر هو سكرتير رئيس الجهاز جالسا خلف شاشة الكمبيوتر محاولا اقناعه بانه فاهم في كل حاجه  ، تجاهل المنظر  وبادره قائلا بأدب :
- صباح الخير ، ممكن اقابل الدكتور ( إ . ن ) لو سمحت ؟؟


تفحصه الموظف بنظره سريعه ثم التقط ورقتين من على المكتب محاولا اظهار نفسه الحد المهم وذو المنصب الاكثر حساسية من الراجل بتاع سكينة الكهريا ... 
ثم قال له : لأ طبعا ..

يساريه خاطفه ، اقتنع بعدها السكرتير المسكين الذى فقد نصف وجهه الى الابد ، ان المقابلة الان حتمية ودون أي تأخير :D

لحظات وكان ( إ . ع ) يقف فى مواجهه الدكتور ( إ . ن )

الدكتور ( إ . ن ) الذى انتحر بسببه الالاف لفشلهم فى الحصول على أي قرار منه أو حتا توقيع  ..

وبعد مفاوضات ومداولات أكثر تعقيدا من الاخيره التي كانت بين حماس واسرائيل ... 

تناول الدكتور ( إ . ن ) القلم الاحمر ثم قال له ... فوت علينا يوم الاتنين الجاي ... :D 

تناول ( إ . ع ) الصورة الشبه نهائية من الجدول بهدوء واستقل السلم للدور الارضي محاولا اقناع نفسه بانه اتم المهمه ... B| 


#يتبع يوم الاتنين الجاي ...

هذالبوست ... هزلي .. غير حقيقي .. غير موضوعي .. وغير محايد ....
و الشخصيات الوارده به خياليه لا تمت للواقع بصله وأى تشابه بينها وبين الواقع فهو اغرب من الخيال ... 

نصائح لحياتك أونلاين

لو هاتكتب حاجة ومش عايز الناس تسرقها منك .. اكتبها على ورقة وعلقها عندك فى الحيطة ...مفيش حاجة كده على الـ Social Media  أى حاجة بتكتبها فى اى موقع الناس هاتتناقلها بينها.

مش معنى انى كتبت حاجة كويسة تبقى من تأليفى .. ممكن اكون شفتها من فترة بس عديت دلوقتى بموقف او حاجة فكرنى بيها بس مش فاكر مين اللى كتبها فكتبتها من غير ما اعمل شير .

 لو هاتنشر حاجة من حد استخدم الـ Share او اسرقها على طول ..بس متكتبلوش "لو سمحت هسرقها" ..يا تعمل شير يا تسرق وخلاص 

 لما تبقى افكارك متلخبـطة .. يبقى تفتح مخك .. مش بقك .

الناس مبتعملش شير للحاجات اللى عجباهم بغض النظر عن اهميتها او تفاهتها من وجهة نظرك ..و بتعمل لايك للحاجات اللى بتفرحك..اتعود على كده بقى .

 مش كل القصص الحلوة .. بتبدأ بـ أيوة

 احنا كمصريين بنقعد نتكلم عن الرومانسية بس لحد ما نتجوز بعد كدة بنغير الموضوع .

 أنا حر فى أرائى وأفكارى طالما مش بفرضها عليك، ومش من حقك تشتمنى وتخونى لمجرد إن أفكارى مش عاجبه حضرتك .

 فى ولاد اول ما بنت بتعملهم Add او Follow بيفكر هايلبس ايه فى يوم فرحهم .

 اللى بتابعك بتابع حاجات انت بتكتبها ...وممكن متكنش انت اللى كاتبها اصلا..#ارتقوا .

اى حد لسه بيكتب "هاى ممكن نتعرف" واحنا فى 2014 يستاهل البلوك من الولاد قبل البنات .

 الولاد اللى لسه بتكتب "مش اعرف - مش اقدر" ..اعملهم بلوك .

 اللى لسه بيكتب "موجهه او مقصودة" .. دا محن.. لانه مش قادر يتكلم فى وش الشخص ...ويستاهل البلوك برضه .

اكتر حاجة جميلة ف الدنيا ممكن انسان يقدمها لحد .. انه يسمعه .

 حاجتين لا حرية تعبير فيهم - خلقة ربنا - أعراض الناس .

 كل واحد فى حياته الاونلاين ناس ﺍﺑﺮﺩ ﻣﻦ ﺍﻟﻠﻲ كانوا ،، ﺑﻴﻌﺰﻓﻮﺍ ﻋﻠﻲ ﺳﻔﻴنة ﺗﻴﺘﺎﻧﻴﻚ ﻭﻫﻲ ﺑﺘﻐﺮﻕ...متزودش العدد ربنا يكرمك .

 السعادة هي انك تحس بالرضا عن نفسك .. من غير ماتحتاج اثبات لده من أي حد ..

انك تبقى مشهور على الـ Social Media زى بالظبط لما كنت بتشتري بني غازي وعدن والبحرين ف بنك الحظ .

 ايوة طبعاً انت ممكن تبقى اي حاجة انت عايزها .. اومال حبوب الهلوسة اتعملت ليه . 

 لما تحس انك وصلت لاعلى مراحل الاكتئاب ..افتكر انه لسه فى ناس بتتصل بالراديو لحد دلوقتى..علشان يطلب يسمع اغنية ..وابتسم.

صورك وانت صغير اللي بتحطها كل شوية .. مامتك هتحبها وباباك هيحبها وممكن خالتك كمان تحبها .. بس احنا مش لازم نحبها .. مش لازم خالص ع فكرة .

 شكراً جداً على اللينك اللي انت بعتهولى .. واللي عمري ماهفتحه .

 لما تلاقى حد "قرا كتابين" لاحمد مراد ..وعمال يوقل كلام محدش فاهمه وبيقول على نفسه عميق روح قله ..يابنى الكار ده مش كارك ..اشتغل مهندس ..افتح عيادة .

 حلو انك تقرا لحد انت بتشوف نفسك فيه، كإنه بيشيل من عليك عبء التعبير و بيعبّر بالنيابة عنك .

قيـــس الــســاذج

ذهب قيــس من الملوح (يعني طلع يقلب رزقه) خارج نجد ( نجد دي بلد :D ) بعدما رفض عمه ( أبو ليلى ) تزويجه بابنته ليــلى ، وبعد فترة رجع وقابلها ووجد آثار الحناء ( الحنه يعني اللي لونها احمر دي :D ) على يدها وكانت علامة الخطوبة وقتها ، فقال لها " هار اسود ..... إنتي محنية ايدك ليه ؟؟ إنتي اتخطبتي يا بت؟!"

وكان أبوها خطبها لورد بن محمد العقيلي الثقفي في سفر قيس .

المهم هي راحت ضاحكة عليه وقالت له: " عيب عليك اتخطبت ايه؟! تف من بؤك ، ده انت لما سافرت أنا كنت بعيط دم يا ولداه من شوقي ليك، فكنت بمسح الدم بإيدي فاحمرت كده ، حتى شوف ...."

قام قيس الغلبان راح مسجل المشهد ده في أبيات من أروع أبيات رثاء العاطفة في الشعر العربي

ولمَّا تَلاقينـــا على سـفحِ رامَةٍ ** وجـــــــــــــدتُ بنان الــعامريَّةِ أحمرا

فقلتُ خضبتِ الكفَّ على فراقنا؟! ** فقالت : معــــاذ الله , ذلك ما جرى

ولكنَّنِــــــي لـــــــما وجدتُكَ راحلًا ** بكيتُ دمًــــا حتى بللــت به الثرى

مسحت بأطراف البنانِ مدامعي ** فصار خضابًا في اليدين كــما ترى

#لا_يا_شيخة